MARTES 5 MAIO: MORFOLOXÍA (ARTIGO, DEMOSTRATIVO) e TEXTO.

Bos días. Hoxe:

1. Texto. 

• Opción 1: "Estado de alarma".
• Opción 2: "Compartidores de chicles".
• Opción 3: "As palabras dun xeneral".

Redacción sobre o tema central ou comentario crítico. Esquema, resumo, tema, intencionalidade, estrutura.

2. Morfoloxía: 

Artigo. 

• Cuestións-teoría, corrección, nesta ubicación.

• Actividades: Documento Morfoloxía: Actividades, exercicio 2, páx. 63: Uso de artigo con topónimos. Non tedes que escribir todo o exercicio (as solucións están na mesma páxina 63), pero si probar con cada topónimo deste xeito: primeiro, poñedes o artigo, a ver como "soa":

• Italia. Onde vai el? Vai *na Italia. Xa vedes que soa mal. Sería Vai en Italia,

• Arxentina.  Onde vai el? Vai na Arxentina. Soa ben, é correcto.

Prestade especial atención ás formas subliñadas no cadro das solucións. 

Demostrativo.

• Cuestións-teoría: Morfoloxía-Teoría, páx. 16.  Non convén copiar e pegar: se facedes iso, non asimilades os conceptos.

1. Os demostrativos poden funcionar como determinantes ou como núcleo nun sintagma nominal. En que casofuncionan como DET e en que caso funcionan como N.
2. Como contraen os demostrativos co indefinido outro?
3. Como contraen os demostrativos coas preposicións de, en?
4. Explica os usos e valores especiais dos demostrativos e achega un exemplo de cada.

• Actividades: Morfoloxía: Actividades 2 e 3 das pp. 74-75. Na 2 (páx. 74) facedes do 1 ao 5 e do 12 ao 25. Na 3 indicades se o demostrativo é adxectivo determinativo (AD) (equivale a determinante) ou pronome (equivale a núcleo).

O xoves veremos textos e colgarei as correccións de:

• Actividades artigo.
• Cuestionario-Teoría demostrativo.
• Actividades demostrativo.

Ata o xoves, a menos que teñades dúbidas antes.